Удзельнiкi: Зміцер Арцюх

Зміцер Арцюх

Паэт і журналіст. Заснавальнік (разам з Аксанай Спрынчан) Паэтычнага тэатра "Арт.С". Нарадзіўся 2 сакавіка 1978 года ў вёсцы Рутка Навагрудскага раёна. У 1995 годзе скончыў Ваўковіцкую сярэднюю школу. Падчас вучобы працаваў над школьнай насценгазетай "Жыве Беларусь!", якую стварыў настаўнік і самадзейны кампазітар Гродзеншчыны Мікалай Балай. З 1990 года пачаў друкавацца ў раёнцы з літаратурнымі і журналісцкімі матэрыяламі. Першы верш "У лесе" быў напісаны з дапамогай Мікалая Балая ў 1992 годзе. Адразу ж пасля заканчэння школы паступіў у Мінскі педагагічны каледж імя Максіма Танка. У 1998-ым атрымаў спецыяльнасць: настаўнік беларускай мовы і літаратуры, кіраўнік дзіцячай тэатральнай студыі. Быў рэдактарам газеты навучэнцаў педкаледжа "Крылы", якая друкавалася на старонках "Настаўніцкай газеты" і насценнай газеты "Наша слова". Пачаў супрацоўнічаць з кампазітарам Уладзімірам Сарокіным і ансамблем "Сябры", Алесяй, Ірынай Дарафеевай. У 2003 годзе скончыў факультэт журналістыкі Беларускага дзяржаўнага універсітэта (кафедра радыё і тэлебачання). Працаваў карэспандэнтам на Беларускім радыё, рэпарцёрам і выпускаючым рэдактарам навін на Беларускім тэлебачанні, старшым карэспандэнтам у часопісе “Промышленная безопасность”, тэлежурналістам у Навагрудскай епархіі Беларускай Праваслаўнай Царквы. Друкаваўся ў газетах і часопісах, калектыўных зборніках "Літаратурны квартал", "Дзень паэзіі", "Свет на дваіх". Быў аўтарам рубрык "Моладзь ідзе" ("ЛіМ"), "Паэтычны чацвер" ("Голас Радзімы"), "Максіма маладых" ("Культура"), "Паэтычны букет" ("Промышленная безопасность"). З 2002 па 2006 год Зміцер Арцюх з'яўляўся сябрам суполкі маладых творцаў "Літаратурнае прадмесце". Аўтар кнігі вершаў "Вясна ў кароткім паліто..." (2006 год, "Мастацкая літаратура"), аўтар сцэнара дакументальнага фільма "Навагрудская Галгофа" (2009 год, Інфармацыйнае агенцтва Беларускай Праваслаўнай Царквы). Некалькі вершаў перакладзены на балгарскую і рускую мовы. З лютага 2010-га працуе тэлежурналістам у амерыканскім дабрачынным фондзе "The Saviour" ("Спас", Нью-Йорк), з’яўляецца кіраўніком беларускай здымачнай групы. Аўтар тэленарысаў (на рускай і англійскай мовах): "Желание жить" (2009), "Обреченная на инвалидность" (2009), "Нерассказанная история" (2009), "Где храм – там надежда" (2009), "Иордан на Брайтоне" (2010), "Я встал и пришел" (2010), "Настоящие родители" (2010), "Благословение" (2010), "Дипломаты мира" (2010), а таксама дакументальнага серыяла "По имени Детство" і публіцыстычнага фільма "Чистый мир", якія зараз здымаюцца.

Зміцер Арцюх Зміцер Арцюх Зміцер Арцюх Зміцер Арцюх Зміцер Арцюх Зміцер Арцюх


* * *
Бакал чырвонага марціні,
Дзве кроплі белага віна.
Я назаву кактэйль "Айчына"
І стану піць. І піць да дна.

Мне лёгка будзе ад напою,
Не важна нават колькі п'ю.
Я так "Айчынай" супакою
Душу збалелую сваю.